Chat GPT ვებ დეველოპმენტში

ბიზნესის ასისტენტი

ჩვენ ყველას გვაკლია ცოდნა, ან გამოცდილება ჩვენი სპეციალობის მოსაზღვრე სფეროებში. შეგვიძლია გამოვიყენოთ საძიებო სისტემები, რათა ვიპოვოთ სტატიები და წიგნები ჩვენ კითხვებზე პასუხის მისაღებად, ან გამოვიყენოთ ხელოვნური ინტელექტი, რომელიც ამ ინფორმაციებს მოიძიებს და მოგვაწვდის.

ChatGPT აკეთებს შაბლონს ელ-კომერციის ბიზნეს სტრატეგიის დასაგეგმად.

რამდენიმე სტატიის წაკითხვის ნაცვლად, შეგიძლიათ მიმართოთ კითხვით ChatGPT-ს. თუ პასუხი არ გაკმაყოფილებთ, შეგიძლიათ დასვათ დამაზუსტებელი კითხვები ამ საკითხთან დაკავშირებით.

კონტენტის დაწერა

ბევრი SEO და მარკეტინგის გურუ ამბობს: “კონტენტი მეფეა!” რადგან ვებგვერდის შინაარსი იზიდავს ვიზიტორებს, ზრდის ჩართულობას და აქცევს მათ მუდმივ სტუმრად, ან მომხმარებლებად.

ვებსაიტის შინაარსზე მუშაობას დრო და ფული სჭირდება. მაშინაც კი, თუ ვებსაიტის მფლობელი დაიქირავებს მარკეტოლოგებსა და კოპირაიტერებს, ეს არ შეიძლება ჩაითვალოს წარმატების 100%-იან გარანტიად. ამა თუ იმ მიმართულების პროფესიონალებს ყოველთვის არ ესმით კონკრეტული ბიზნესის ნიშა და მომხმარებელთა საჭიროებები.

ChatGPT-დახმარებით თქვენ შეძლებთ:

• შექმნათ კონტენტის იდეები და თემები.
• შექმნათ თემატური შინაარსის სტრუქტურა მკაფიო და მიმზიდველი სათაურებით.
• დაწეროთ შესანიშნავი, უნიკალური და გრამატიკულად სწორი კონტენტი.

ეფექტური კონტენტის მისაღებად, თქვენ უნდა გამოიყენოთ მკაფიო მოთხოვნა. რაც უფრო კონკრეტული იქნება თქვენი მოთხოვნა, მით უკეთესი იქნება მოწოდებული პასუხი.

თქვენ უნდა დააყენოთ მკაფიო პარამეტრები, როგორიცაა სიტყვების რაოდენობა, ტონი, კონკრეტული ტერმინები და სხვა.

ChatGPT-ს შეუძლია სტატიის დაწერა

ChatGPT არ არის სრულყოფილი მწერალი. ამიტომ, თქვენ უნდა გაასწოროთ და დახვეწოთ ხელოვნური ინტელექტის მიერ გენერირებული შინაარსი, ან მიანდოთ ის პროფესიონალს.

დღეს უკვე ბევრი SEO-მოდული იყენებს AI-ს ქივორდებისა და ტექსტის დასაგენერირებლად.

2024 წლის გუგლის საძიებო სისტემის განახლებაში მითითებულია რომ ახალი ალგორითმი სრულიად შეცვლის ფოტო და ვიდეო მასალის ინდექსირების წესებს. Sora დღეს უკვე ქმნის გენერირებულ ვიდეობს, რაც თავის მხრივ უახლოეს მომავალში დიდ გავლენას მოახდენს ბევრ ინდუსტრიაზე, მათ შორის კინო სამყაროზე.

დასკვნა

როგორც ვებსაიტის მფლობელს, შეგიძლიათ გამოიყენოთ ChatGPT მრავალი მიზნისთვის. თუ გსურთ თავიდან აიცილოთ ალგორითმის ფორმულირებული შინაარსეები ან იდეები, თქვენ უნდა მიაწოდოტ მკაფიო მოთხოვნები.

სხვა სიტყვებით რომ ვთქვათ, თქვენ უნდა დახარჯოთ გარკვეული დრო და ძალისხმევა პროდუქტიული შედეგის მისაღწევად. ხელოვნურ ინტელექტთან მუშაობა გარკვეულ პრაქტიკულ გამოცდილებას მოითხოვს და დროსთან ერთად თქვენი უნარებიც გაუმჯობესდება. ნებისმიერ შემთხვევაში თქვენ მაინც დაზოგავთ რესურსებსა და დროს, რადგან ხელოვნური ინტელექტის მქონე ეს ინსტრუმენტი გაწვრთნილია კარგი ტექსტური შინაარსის გენერირებისთვის.

მეორეს მხრივ, ChatGPT ვერ ჩაანაცვლებს ადამიანურ რესურსს ბევრი მიმართულებით, რადგან მას არ გააჩნია ემოციები და ცოცხალი გამოცდილება(ჯერჯერობით ყოველშემთხვევაში). ასევე შესაძლოა არასწორი პასუხები დააბრუნოს, ან ვერ მიხვდეს თქვენს შეკითხვის შინაარსს და თავისი ინტერპრეტაციით შეავსოს ტექსტი.

ყოველ შემთხვევაში, ChatGPT-ის ამჟამინდელი შესაძლებლობები დაგეხმარებათ იდეების გენერირებაში, შინაარსის დაწერაში და შაბლონების შექმნაში, მაგრამ თქვენ უნდა დაეხმაროთ AI ინსტრუმენტს პროცესის დროს კონკრეტული კითხვებითა და განსაზღვრული ინსტრუქციებით.

არსებობს Promt Engineering რომელიც გაგიადვილებთ სწორად მიაწოდოთ მოთხოვნები და ინსტრუქციები ხელოვნურ ინტელექტს.

ამასთანავე, აუცილებლად გააკეთეთ მოთხოვნების მორგება თქვენი პროფილიდან(Customize ChatGPT), ეს დაეხმარება ხელოვნურ ინტელექტს თითოეულ პასუხზე ჰქონდეს წინასწარი, თქვენს მიერ გაწერილი ინსტრუქციები.

“The question of whether computers can think is as irrelevant as the question of whether submarines can swim.” – Edsger W. Dijkstra

რეკომენდაცია

ამ ვიდეოში ბევრ ახალ დეტალს გაიგებთ ხელოვნური ინტელექტის განვითარების ტენდენციებზე, ზოგადად არხის ვიდეოები ინფორმატიული, შინაარსიანი და კარგად დამუშავებულია. არხის ბმული: www.youtube.com/@vasil_gabunia