ონლაინ ვაჭრობის გლობალური და ადგილობრივი ტენდენციები
როგორც გლობალურ ბაზარზე(5 ტრილიონი-2020), ასევე საქართველოში ონლაინ ვაჭრობის წილი ყოველწლიურად იზრდება. სტატისტიკა აჩვენებს, რომ 2020 წელს ონლაინ ვაჭრობის წილი 3.2 ჯერ გაიზარდა 137.9 მლნ ლარი შეადგინა. სწრაფი ზრდის მიუხედავად, საქართველოში ელ-კომერციის წილი საცალო გაყიდვებში ჯერ კიდევ მნიშვნელოვნად ჩამორჩება განვითარებული ბაზრების დონეს (1.1% საქართველოში vs. 12% ევროპის საშუალო). საქართველოში ასევე დაბალია ერთი მომხმარებლის საშუალო წლიური დანახარჯი ონლაინ ვაჭრობაზე – 950 ლარი 2020 წელს, რაც ევროპის ქვეყნების მაჩვენებელს 3-ჯერ ჩამორჩება, თუმცა პროგნოზით და მიდინარე სტატისტიკით საქართველოში ადგილობრივი ელ-კომერციის ბაზრის ზომა 1.1 მლრდ ლარამდე გაიზრდება 2021-25 პერიოდში, ხოლო მისი წილი საცალო გაყიდვების 4.7%-ს მიაღწევს იგივე პერიოდში.
- 631 ათასი ონლაინ მყიდველი
- ₾597 მლნ ელ-კომერციის ბრუნვა
- ₾950 ერთი მომხმარებელის საშუალო წლიური ონლაინ დანახარჯი
- 23% ადგილობრივი ელ-კომერციის წილი ჯამურ ონლაინ შესყიდვებში
- 1.1% ადგილობრივი ელ-კომერციის წილი საცალო გაყიდვებში
აღნიშნული მონაცემები აღებულია გალტ & თაგარტის კვლევიდან, დეტალურ სტატისტიკა შეგიძლია ნახოთ აქ გალტ & თაგარტი – ელექტრონული კომერცია საქართველოში.
ონლაინ მაღაზიის შექმნა WordPress-ზე
აღნიშნული ტენდენციების გათვალისწინებით, მცირე და საშუალო ბიზნესი ცდილობს ადაპტირდეს და გახდეს კონკურენტუნარიანი ციფრული გაყიდვების სფეროში, რაც ზრდის მოთხოვნას ციფრული მარკეტის დამზადებაზე შესაბამის სერვისებზე.
WordPress-ზე ონლაინ მაღაზიის შექმნა მოიცავს რამდენიმე ძირითად ნაბიჯს. პირველი რაც ყველაშემთხვევაში გჭირდებათ არის რათქმაუნდა დომენის სახელი და ჰოსტინგის სერვისის არჩევა. WordPress უფასოა, მაგრამ პრემიუმ თემები და მოდულები ფასიანია.
მაღაზიის შექმნის ნაბიჯები მოიცავს:
- WordPress-ის ინსტალაცია წინასწარ არჩეულ ჰოსტზე.
- ელექტრონული კომერციისთვის განკუთვნილი თემის არჩევა და ინსტალაცია.
- ელექტრონული კომერციის მოდულის ინსტალაცია, როგორიცაა WooCommerce.
- მაღაზიის პარამეტრებისა და გადახდის კონფიგურაცია.
- პროდუქტების დამატება, ინვენტარისა და საცავების მართვა.
- მუდმივი SEO ოპტიმიზაცია და მომხმარებელზე მორგებული დიზაინი.
თითოეული ეს ეტაპი გავლენას ახდენს მაღაზიის ფუნქციონირებაზე და დამზადების ბიუჯეტზე.
ონლაინ მაღაზიის რეგისტრაცია
ონლან მაღაზიის დამზადებამდე თქვენ უნდა იყოთ დარეგისტრირებული მცირე მეწარმედ, აღნიშნულის საფუძველზე თქვენი შპს-ს სახელით მიმართავთ სასურველ ბანკებს, ვისი საშუალებითაც გსურთ გადახდების და/ან განვადების განხორციელება. ბანკი თქვენი შპს-ს სახელზე გადმოგცემთ Merchant Id-ის და Merchant Password-s, რისი საშუალებითაც შეძლებთ მიიღოთ გადახდები ონლაინ და შესთავაზოთ განვადება მომხმარებლებს.
სწორი ჰოსტინგის არჩევა ონლაინ მაღაზიისთვის
სწორი ჰოსტინგის არჩევა გადამწყვეტია WordPress მაღაზიის მუშაობისა და საიმედოობისთვის. ძირითადი მახასიათებლებია:
- წარმადობა: ჰოსტინგის პროვაიდერმა უნდა ჰქონდეს სწრაფი ჩატვირთვის დრო და სტაბილური მუშაობის გარანტიები.
- მასშტაბურობა: ონლაინ მაღაზიის ზრდასთან ერთად, ჰოსტინგის პაკეტი უნდა მოერგოს გაზრდილ ტრაფიკის.
- უსაფრთხოება: SSL სერთიფიკატები, ყოველდღიური სარეზერვო ასლები, მავნე პროგრამების დაცვა.
- მხარდაჭერა: ჰოსტინგს უნდა ჰქონდეს 24/7 მომხმარებელთა მხარდაჭერის სერვისი, გაუთვალისწინებელი ხარვეზების სწრაფად მოსაგვარებლად.
- ღირებულება: სასიცოცხლოდ მნიშვნელოვანია პაკეტების ღირებულების დაბალანსება მახასიათებლებისა და სისწრაფის მიმართ; იაფ პაკეტებს შეიძლება არ ჰქონდეს საჭირო რესურსები.
შესაბამისი ელ-კომერციის მოდულის არჩევა და ინსტალაცია
სწორი მოდულის არჩევა გადამწყვეტია ონლაინ მაღაზიისთვის. WooCommerce რეკომენდირებულია მისი ფუნქციონალის, მასშტაბურობისა და პერსონალიზაციის ფართო შესაძლებლობების გამო, არსებობს სხვა კარგი ალტერნატივებიც. გასათვალისწინებელი ძირითადი მახასიათებლები მოიცავს:
- გადახდები
- ინვენტარის მართვა
- მიწოდების შეთავაზებები
- SEO შესაძლებლობები
ონლაინ მაღაზიის თემის არჩევა
კიდევ ერთი მნიშვნელოვანი კომპონენტი საიტის დამზადებისთვის არის შესაბამისი, სწორი თემის არჩევა, მნშვნელოვანია, თემას ჰქონდეს მიმდინარე განახლებები და მხარდაჭერის სერვისი. თემები უზრუნველყოფს საიტის გარეგნობისა და ფუნქციონირების საფუძველს.
პრემიუმ თემები vs უფასო თემები:
- უფასო თემები: შეზღუდული პერსონალიზაციის შესაძლებლობები, მაგრამ ამცირებს ხარჯებს.
- პრემიუმ თემები: გთავაზობთ ფართო ფუნქციებს, მხარდაჭერას და დიზაინის მოქნილობას. ხარჯები 30-დან 100 დოლარამდე მერყეობს.
- ინდივიდუალური თემის დეველოპმენტი: თუ თქვენ გაქვთ დიდი ბიუჯეტი შესაძლებელია ინდივიდუალური თემის აწყობა.
- თემების მარკეტები: პლატფორმები, როგორიცაა მაგალითად ThemeForest, გვთავაზობენ თემების და სხვა საჭირო დანამატების მრავალფეროვან არჩევანს, როგორც რეგულარული ლიცენზიებით, ასევე ყოველწლიურით.
კონკრეტული მიზნებითა და სჭიროებებით განსაზღვრული საიმედო თემის არჩევა უზრუნველყოფს საიტის სტაბილურ განვითარებას და ამცირებს ხარჯებს.
ონლაინ მაღაზიისთვის აუცილებელი გვერდები
ელ-კომერციის საიტზე აუცილებელი გვერდების შექმნა მოითხოვს სტრატეგიულ დაგეგმვას, ეს გვეხმარება საიტი გავხადოთ მომხმარებლისთვის კომფორტული და მარტივი იყოს საჭირო ვებგვერდებზე ნავიგაცია. ონლაინ მაღაზიისთვის დამახასიათებელი ძირითადი გვერდებია:
- მთავარი გვერდი: პირველი შთაბეჭდილება პროფესიონალური დიზაინით და მკაფიო CTA ღილაკებით.
- პროდუქტის გვერდები: დეტალური აღწერილობები, მაღალი ხარისხის სურათები და მიმოხილვები.
- კალათა: მოსახერხებელი ინტერფეისი, რომელიც აჩვენებს შერჩეულ ნივთებს.
- გადახდის გვერდი: უსაფრთხო პროცესი გადახდის მრავალი ვარიანტით.
- ჩვენს შესახებ: ბიზნესის ისტორია, მისია და გუნდი.
- საკონტაქტო გვერდი: საკონტაქტო ფორმა, ტელეფონის ნომერი და მისამართი.
- FAQ: პასუხები ხშირად დასმულ კითხვებზე, რათა დავეხმაროთ მომხმარებელს.
- კონფიდენციალურობის პოლიტიკა: შესაბამისობა საკანონმდებლო რეგულაციებთან.
- ვადები და პირობები: სახელმძღვანელო საქმიანი პროცესების შესახებ.
ონლაინ მაღაზიის SEO ოპტიმიზაცია
იმისათვის, რომ ონლაინ მაღაზიამ მოიზიდოს ორგანულ ტრაფიკი, აუცილებელია ფოკუსირება საძიებო სისტემის ოპტიმიზაციაზე (SEO). ძირითადი ნაბიჯები მოიცავს:
- საკვანძო სიტყვების კვლევა: განსაზღვრეთ შესაბამისი საკვანძო სიტყვები, რომლებსაც მყიდველები იყენებენ პროდუქტების მოსაძებნად.
- ხარისხიანი შინაარსი: დეტალური, მაღალი ხარისხის პროდუქტის აღწერა და მომხმარებლისთვის სასარგებლო ბლოგის პოსტები.
- მეტა ტეგები: მეტა სათაურებისა და აღწერილობების ოპტიმიზაცია სამიზნე საკვანძო სიტყვებით.
- ბმულები (URL): მარტივი და საკვანძო სიტყვებით მდიდარი URL-ები.
- მობილურზე მორგებული: საიტი აუცილებლად უნდა იყოს მოსახერხებელი მობილურისთვის.
- სურათების ოპტიმიზაცია: alt ტეგები და ოპტიმიზირებული სურათები შესაბამისი გაფართოებით სწრაფი ჩატვირთვის მისაღწევად.
- შიდა ბმულები: მნიშვნელოვანია ძლიერი შიდა დამაკავშირებელი სტრუქტურის შექმნა.
- შემომავალი ბმულები (Backlinks): სხვა ავტორიტეტული და სანდო გვერდებიდან თქვენს საიტზე მომართულ ბმულებზე მუშაობა.
ონლაინ მაღაზიის გვერდების ნავიგაცია და საიტის სიჩქარე
ნავიგაციისა და საიტის სიჩქარის გაუმჯობესება გადამწყვეტია მომხმარებლის ხარისხიანი გამოცდილების შესაქმნელად. სწორი ნავიგაცია უზრუნველყოფს, მომხმარებლებმა სწრაფად და ეფექტურად იპოვონ ის, რაც მათ სჭირდებათ. ეს მოიცავს:
- მენიუს ლოგიკური სტრუქტურა.
- მკაფიო და შესაბამისი კატეგორიების, ქვეკატეგორიების, ტეგების გაკეთება.
- “breadcrumb”-ის გამოყენება ბმულიდან უკან დაბრუნების გასამარტივებლად.
საიტის სიჩქარე პირდაპირ გავლენას ახდენს მომხმარებლის შენარჩუნებაზე და საძიებო სისტემის რეიტინგზე. ოპტიმიზაციის სტრატეგიები მოიცავს:
- სურათების ოპტიმიზაცია ჩატვირთვის დროის შესამცირებლად.
- ქეშირების მოდულის ინსტალაცია და კონფიგურაცია.
- CSS და JavaScript-ის მინიმიზაცია.
- ბალანსის დაცვა გრაფიკული ელემენტების გამოყენებასა და მთლიანი კოდის ზომას შორის.
სწრაფი საიტი და ინტუიციური ნავიგაცია ხელს უწყობს მომხმარებელთა კმაყოფილებას და საიტის ეფექტურად განვითარებას, რაც გადამწყვეტია ნებისმიერი ონლაინ მაღაზიისთვის.
როგორ ვმართოთ ონლაინ მაღაზია? ონლაინ მაღაზიის მოვლა და განახლებები
მნიშვნელოვანია საწყის ეტაპზე გაითვალისწინოთ ონლაინ მაღაზიის საიტის შენახვის ხარჯები, თუ თქვენ დამოუკიდებლად ვერ შეძლებთ საიტის მართვას, მოვლას და განახლებებს დაგჭირდებათ დეველოპერი ან ვებ სტუდია რომელიც უზრუნველყოფს საიტის ადმინისტირირებას, განახლებებს, უსაფრთხოების მონიტორინგს და საიტის მიმდინარე მიზნებთან სრულ თავსებადობას.
მოდულები და თემები:
- თემის და გამოყენებული მოდულების რეგულარული განახლებები.
- განახლებების დაწყებამდე სარეზერვო ასლების წარმოება.
უსაფრთხოება:
- უსაფრთხოების ზომების გატარება და მონიტორინგი.
- WordPress-ის ბირთვის რეგულარული განახლება.
კონტენტის მენეჯმენტი:
- პროდუქტების რეგულარული განახლება.
- შინააარსისა და მახასიათებლების საჭიროებისამებრ განახლება SEO-ს გასაუმჯობესებლად.
საიტის სიჩქარის ოპტიმიზაცია:
- საიტის სიჩქარის რეგულარული ტესტირება და ხარვეზების აღმოფხვრა.
- ქეშირებისა და კონტენტის მიწოდების ქსელების (CDN) გამოყენება.
მომხმარებელთა ჩართულობა:
- მომხმარებლების მომართვიანობაზე დროული რეაგირების უზრუნველყობა.
- გამოხმაურების საფუძველზე გადახდისა და მიწოდების სისტემების ოპტიმიზაცია.
ონლაინ მაღაზიის დამზადება ფასი
სერვისების მიახლოებითი ხარჯები, რაც ონლაინ მაღაზიის დასამზადებლად დაგჭირდებათ:
- დომენის ღირებულება 50-ლარიდან წელიწადში.
- ჰოსტინგის სერვისი მინიმუმ 300-ლარიდან წელიწადში.
- ფასიანი თემის გამოყენების შემთხვევაში 30-იდან 100 დოლარამდე რეგულარული ლიცენზიით.
- თუ PRO მოდულების გამოყენება გჭირდებათ + მათი ფასი.
- დეველოპერის ანაზღაურება – ინდივიდუალური შეთანხმებით.
- საიტის მართვა – ინდივიდუალური შეთანხმებით.
ჩვენთან ონლაინ მაღაზიის დამზადების ფასი იწყება ₾2500-დან და არ მოიცავს ჰოსტინგის, დომენის, ან ნებისმიერი მესამე მხარის სერვისის ფასს.
ამ სტატიაში გამოყოფილია ფუნდამენტური საჭიროებები ონლაინ მაღაზიის დასამზადებლად, თითოეული პროექტს გააჩნია კონკრეტული საჭიროებები რაც საბოლოოდ უნდა განიხილოთ დეველოპერთან, რის შემდეგაც, შეძლებთ დააზუსტოთ თქვენი კონკრეტული პროექტის ღირებულება და დამზადების ვადები.
გისურვებთ წარმატებას 
!
